Kuz fasli tanamiz turli viruslarga qarshi kurashishi uchun qoʻshimcha yordamga muhtoj boʻladigan vaqt. Immun tizimini mustahkamlash va qishga tayyorgarlik koʻrishning eng yaxshi usullaridan biri bu vitaminlar, minerallar va antioksidantlarga boy kuzgi mevalarni isteʼmol qilishdir.

Ushbu maqolada shamollashdan himoya qiladigan va salomatlikni mustahkamlaydigan 5 ta eng foydali rezavor mevalarni koʻrib chiqamiz.

Klyukva

Shifokor va diyetologlar klyukva vitamin, mineral, antioksidant va kletchatkaning haqiqiy manbai ekanini tasdiqlaydi, ushbu rezavor OʻRVIga qarshi kurashda keng qoʻllaniladi. Klyukva immunitetni mustahkamlash boʻyicha barcha rekordlarni ortda qoldiradi, chunki u C va B vitaminlarini oʻz ichiga oladi va sovuq mavsumda organizmni zarur yordam bilan taʼminlaydi. Qolaversa, shamollash va grippdan tezroq qutulishga yordam berishi isbotlangan.

Klyukva tarkibidagi sogʻliqqa ijobiy taʼsir koʻrsatadigan bioaktiv komponentlar surunkali yalligʻlanishni muvaffaqiyatli yengib, yalligʻlanishning oldini olishga xizmat qiladi va yuqori nafas organlari kasalliklarining oldini olishda samarali hisoblanadi. Shuningdek, klyukvaning quyidagi shifobaxsh xususiyatlari mavjud:

Infeksion kasalliklar rivojlanish xavfini kamaytiradi;

Yurak-qon tomir salomatligini yaxshilaydi;

Qon tomirlar devorlarini mustahkamlaydi va xolesterin darajasini normallashtirishga yordam beradi;

Ishtahani va ovqat hazm qilishni yaxshilaydi;

Ichakning muntazam harakatlanishini ragʻbatlantiradi va vaznni nazorat qilish uchun foydalidir.

Klyukva yangi uzilgan vaqtida, mevali sharbat, kompotlar yoki smuzi sifatida isteʼmol qilinadi hamda souslar tayyorlash uchun ishlatiladi.